Sumqayıt şəhərində (Bakıdan 32 kilometr şimal) 76-cı məhəllədə kanalizasiyaya düşən iki nəfər ölüb.
Fövqəladə Hallar Nazirliyindən Turana bildiriblər ki, bir nəfər kanalizasiya quyusuna düşərək ölüb. Nazirliyin Sumqayıt Regional Mərkəzinin həmin şəxsi xilas etmək üçün quyuya düşən bir əməkdaşı da qazdan boğularaq ölüb, daha üç əməkdaş zəhərlənib.
Zəhərlənən şəxslər xəstəxanaya yerləşdirilib. Zəhərlənənlərin ikisinin vəziyyətinin ağır olduğu bildirilir.
