Accessibility links

Almaniya Rusiyadan enerji asılılığını azaldır


Berlində yanacaqdoldurma məntəqəsində elektron displeydə yanacaq qiymətləri göstərilir, 29 aprel 2022-ci il.

Almaniya Rusiyanın Ukraynaya qarşı hərbi təcavüzündən sonra başladığı strateji dəyişiklik çərçivəsində bazar günü Rusiyadan enerji asılılığının azaldılması istiqamətində irəliləyiş əldə etdiyini bildirib.

İqtisadiyyat nazirliyinin bəyanatında bildirilir ki, Rusiyadan tədarük Almaniyanın neft idxalının keçən il 35 faizlə müqayisədə hazırda 12 faizini təşkil edir.

Rusiyadan daş kömür də Almaniyanın əvvəlki satınalmalarının 45 faizi ilə müqayisədə 8 faizə enib.

Buna baxmayaraq, Rusiya qazından asılılıq hələ də əhəmiyyətli səviyyədə qalır, lakin Avropanın iqtisadi cəhətdən ən inkişaf etmiş ölkəsi olan Almaniya ümumilikdə Rusiya mənbələrinin həcmini Rusiyanın Ukraynaya təcavüzündən əvvəlki 55 faizlə müqayisədə 35 faizinə endirib.

Almaniya hökuməti mart ayında Ruiyadan neft idxalını iyun ayınına qədər iki dəfə azaltmaq və payıza qədər daş kömür tədarükünü dayandırmaq planlarını açıqlayıb.

Almaniyanın həmçinin 2024-cü ilin ortalarına qədər Rusiya qazından əsas etibarilə imtina edə biləcəyi gözlənilir.

“Atdığımız bütün bu addımlar bütün oyunçulardan olduqca böyük səy tələb edir və bu həm də iqtisadiyyat və istehlakçılar tərəfindən hiss ediləcək xərclər deməkdir”, İqtisadiyyat naziri Robert Habek bildirib.

“Lakin biz Rusiya tərəfindən şantaj edilmək istəmiriksə bunlar zəruridir”, o vurğulayıb.

Qərb müttəfiqlərinin Vladimir Putini Ukraynaya hücuma görə cəzalandırdığı vaxt Almaniyanın Rusiya enerjisindən asılılığı zəif cəhətlərdən biri hesab edilirdi.

Almaniya müharibənin başlamasından sonra Rusiya kontraktlarını əvəz etmək məqsədilə alternativ təchizatçılar tapmağa çalışır.

Dünyaya Baxış

Dünyaya Baxış. MAQATE Zaporojye AES-də nüvə təhlükəsi olmadığını bildirir
please wait

No media source currently available

0:00 0:10:31 0:00

Amerika İcmalı

Amerika İcmalı. ABŞ Finlandiya və İsveçin NATO-ya qəbulunu bir addım daha yaxınlaşdırır.
please wait

No media source currently available

0:00 0:29:21 0:00
XS
SM
MD
LG