İsrail və Fələstin rəsmilərinin bildirdiyinə görə, İsrail hökuməti Fələstinin Həmas qrupu ilə İsrail əsgəri Gilad Şalitin azad edilməsinə dair razılıq əldə edib. Əsgər 1000 fələstinli məhbusun azadlığı müqabilində buraxılacaq. İsrailin baş naziri Benyamin Netanyahu nazirlər kabinetini mübadilə ilə bağlı razılıq əldə etməyə çağırıb. İsrailli əsgər artıq beş ildir ki, Həmasın nəzarəti altındadır. Netanyahu deyib ki, hər şey yolunda getsə, Şalit bir neçə gündən sonra evinə qayıdacaq.
