Son an qanuni manevrlər və Roma papası Fransisin əfv barədə müraciətinə baxmayaraq, ABŞ-ın Corcia ştatında ərinin qətlində təqsirli bilinən qadın edam edilib.
Kelli Gissendanerin ölüm hökmü Atlanta şəhəri yaxınlığındakı həbsxanada icra edilib.
Gissendaner 1997-ci ildə ərinin öldürülməsini planlaşdırmaqda təqsirli bilinib. Qətli onun sevgilisi Qreqory Oven törədib. Oven ömürlük həbsə məhkum edilib.
Gissendanerin uşaqları çərşənbə axşamı Corciya ştatının əfv və parol idarəsindən edam cəzasının onun üzərindən götürülməsinə müraciət edib. Lakin onların müraciəti rədd edilib.
47 yaşlı Gissendaner Corciya ştatda ölümə məhkum edilmiş və 1945-ci ildən bəri edam edilmiş yeganə qadındır.
Əfv və parol idarəsi Corciya ştatında kommutasiyaya icazə verən yeganə qanuni orqandır.