BMT Haitidə ölümcül vəba epidemiyası qurbaları üçün kompensasiyanın 200 milyon dollara çatdırılmasına çalışır.
2010-cu ildən vəba epidemiyası baş qaldırandan bəri 9500 haitili dünyasını dəyişib, 800 minə yaxın insan isə xəstəliyə tutulub.
Xəstəlik BMT-nin Nepaldan olan sülhməramlılarının çaya tullantılar atması səbəbi ilə yayılıb. Vəba epidemiyası bu yoxsul ölkədə 2010-cu ildə adanın infrastrukturunu dağıdan güclü zəlzələnin baş verməsindən sonra sürətlə yayılmağa başlayıb.
BMT-nin baş katibi Pan Gi Mun Haitidə vəbanın yayılmasına görə dünyanın mənəvi məsuliyyət daşıdığını desə də, hüquqi məsuliyyəti qəbul etməmişdi.
Haitililər vəba epidemiyasına görə BMT-nin məsuliyyət daşıdığını deyərək, məhkəməyə müraciət etməyə çalışsa da, təşkilat diplomatik toxunulmazlığını iddia etmişdi.
