İyulun 1-də günvurma ilə bağlı 20 nəfər Bakı şəhər Təcili Təxirəsalınmaz Tibbi Yardım Stansiyasına müraciət edib. Bu barədə Bakı şəhər Təcili Təxirəsalınmaz Tibbi Yardım Stansiyasının baş həkimi Rauf Nağıyev bildirib.
Bu, yay ərzində günvurmadan əziyyət çəkənlərin 45%-ə yaxınını təşkil edir. Mövsüm ərzində paytaxtda gün vuranların ümumi sayı 49 nəfərdir. Onların arasında 4 uşaq var.
İyulun 1-də Bakıda son 120 ildə ən isti gün qeydə alınıb. Abşeron yarımadasında temperaturlar 44 dərəcəyədək yüksəlib. Sinoptiklər bu il yayın anomal isti keçəcəyini proqnozlaşdırır.
