Çex Respublikasında işgüzar səfərdə olan Azərbaycanın müdafiə naziri Zakir Həsənov "Beynəlxalq Gələcək Qüvvələr Sərgisi 2018" sərgisinin açılış mərasimindən sonra çexiyalı həmkarı Lubomir Metnar ilə görüşüb.
Azərbaycan Müdafiə Nazirliyinin mətbuat xidmətinin məlumatına görə görüşdə Azərbaycan ilə Çexiya arasında hərbi əməkdaşlığın hazırkı vəziyyəti, inkişaf perspektivləri, eləcə də regiondakı təhlükəsizlik məsələləri barədə ətraflı fikir mübadiləsi aparılıb.
