İyulun 31-də Müdafiə Sənayesi Nazirliyində Azərbaycanda səfərdə olan İsrailin Müdafiə Nazirliyinin müdafiə ixracı və müdafiə əməkdaşlığı üzrə şöbəsinin (SİBAT) müdiri Mişel Ben Baruhunla görüş keçirilib.
Müdafiə Sənayesi Nazirliyinin rəsmi saytının məlumatına görə, görüşdə Azərbaycan ilə İsrail arasındakı müdafiə sənayesi üzrə əməkdaşlığa və qarşılıqlı maraq doğuran digər məsələlərə dair geniş fikir mübadiləsi aparılıb.
Yerli medianın məlumatına görə, son illər Azərbaycan İsraildən bir neçə milyard dollarlıq hərbi texnika, silah və sursat alıb.
