İsrailin baş naziri Benyamin Netanyahunun hərbi kampaniyanın uzun müddət davam edə biləcəyi barədə xəbərdarlığından sonra bu gün də Qəzza Zolağına hərbi təyyarələr və tanklarla edilən hücum azı 26 nəfərin ölümü ilə nəticələnib.
Fələstinin səhiyyə rəsmiləri isə İsrailin artıq üç həftədir davam etdirdiyi hücumların çoxu mülki vətəndaş olmaqla, 1100 nəfərin ölümünə səbəb olduğunu bildirib.
İsrailin bu gün həyata keçirdiyi hava hücumları zamanı Qəzzada yeganə elektrik stansiyasına zərər dəyməsi nəticəsində bölgədə elektrik işığının məhdudlaşdırıldığı barədə məlumat verilir.
İsrailin baş naziri Benyamin Netanyahu bazar ertəsi televiziya ilə etdiyi müraciətində Həmasa qarşı kampaniyanın davam etdiriləcəyini deyib.
