ABŞ dövlət katibi Hillari Klinton çinli həmkarından Pekinin yüksək texnologiya sənayesi üçün mühüm əhəmmiyyət kəsb edən mineralların idxalına dair qarantiya alıb. ABŞ rəsmiləri xanım Klintonun bu məsələni Çinin xarici işlər naziri Yang Jechi ilə ASEAN-ın Hanoy sammiti cərçivəsindəki müzakirələr zamanı qaldırdığını bildirib. Bu qarantiyanın nədər ibarət olduğu açıqlanmasa da, Pekin bu həftə nadir minerallardan digər ölkələrlə sövdələşmə məqsədi ilə istifadə edilməyəcəyini bəyan edib. Hillari Klinton bildirib ki, adalarla bağlı mübahisələr beynəlxalq qanunlar çərçivəsində həll edilməlidir. Dövlət katibinin bu çağırışı Yaponiya və Çinin baş nazirlərinin mübahisəli adalarla bağlı müzakirələrinin təxirə salınmasından sonraya təsadüf edir.