İkinci Dünya Müharibəsi təyyarəsi Nyu-Cersi ilə Nyu-York arasındakı Hudson çayına düşüb.
Nyu-York şəhər polisinin bildirdiyinə görə, 56 yaşlı pilotu təyyarədən çıxarmağa nail olunub.
P-47 Thunderbolt təyyarəsi Nyu-Yorkun Farminqdeyl hava limanından havaya qalxan 3 təyyarədən biri olub. Şahidlərin dediyinə görə, təyyarə suya düşərkən mühərrikində problem olduğu hiss olunub.
Thunderbolt həftə sonu 75-ci ildönümü münasibəti ilə keçirilən hava şousunda iştirak etməli idi.
Amerikanın hava qüvvələri muzeyi “Thunder-75" mərasiminə sponsorluq edir. Mərasim Xatirə bayramı münasibəti ilə təşkil edilir.
ABŞ-da Xatirə günü may ayının son bazar ertəsi günləri qeyd edilir. Bu gün müharibələrdə həyatlarını itirənlərin xatirəsi anılır.