Göygöl rayonunda (Bakıdan 360 kilometr qərb) ictimai fəal Tacəddin Qaydalıyev 30 sutkalıq həbs olunub.
Azərbaycan xalq Cəbhəsi Partiasının (AXCP) sədr müavini Gözəl Bayramlı Amerikanın Səsinə bildirib ki, Qaydalıyev noyabrın 28-də həbs edilib.
“Qaydalıyevin "təqsiri" "Nardaran işi" üzrə məhkəmədə iştirak etməsidir. O mənə deyib ki, məhkəmədən çıxdıqdan sonra bir neçə nəfər onu dayandırıb və uzun müddət buraya niyə gəldiyini soruşub", Bayramlı bildirib.
Noyabrın 28-də Qaydalıyev Göygöl rayon Polis Şöbəsinə çağırılıb və oradaca polisə tabe olmamaqda ittiham olunub və inzibati qaydada həbs olunub.