Azərbaycan güləşçisi Eldəniz Əzizli Macarıstanın paytaxtı Budapeştdə keçirilən güləş üzrə dünya çempionatının qalibi olub. O, final görüşündə Qırğızıstan təmsilçisini məğlub edərək yunan-roma güləşi üzrə dünya çempionu adını qazanıb. Bu, E.Əzizlinin ilk dünya çempionluğudur.
Avropa çempionu Eldəniz Əzizli ilk mərhələdə macarıstanlı rəqibini bir dəqiqəyə məğlub edib. O çinli rəqibini də ilk hissədə mübarizədən kənarlaşdırıb, yaponiyalı güləşçini vaxtından əvvəl üstələyərək yarımfinala çıxıb. Yarımfinalda Gürcüstan pəhləvanına qalib gəlib.
