Accessibility links

Azərbaycanda 6 taekvandoçu dopinqə görə cəzalandırılıb


Dopinq

Azərbaycanda 6 idmançıya dopinqdən istifadəyə görə sanksiya tətbiq edilib.

Bu barədə Azərbaycan Milli Antidopinq Agentliyi məlumat yayıb.

Məlumatda deyilir ki, həmin taekvondoçular- Cavid Hüseynov, Samir Məhərrəmov, Yunis Məmmədzadə, Şəms İsayeva, Nərgiz Mirzəyeva və Ofeliya Allahverdiyevadır.

Adı çəkilən idmançılar12 ay müddətinə diskvalifikasiya olunub.

Agentlik bildirir ki, bu 6 idmançının cəzaları müvafiq olaraq, 4 aprel, 20 aprel, 25 aprel, 19 aprel və 19 mart 2018-ci ildən qüvvəyə minib.

Cəzalandırılan idmançılar arasında Azərbaycan yığmasının üzvləri var.

Hələlik, bu qərarlara cəzalandırılan idmançılar münasibət bildirməyib.

Agentlik bundan əvvəl də oxşar qərarlar verib. 2016-cı ilin oktyabrında Azərbaycan Milli Məclisi "İdmanda dopinq vasitələrindən və üsullarından istifadəyə qarşı mübarizə haqqında" qanun qəbul edib.

XS
SM
MD
LG