Accessibility links

Human Rights Watch İlqar Məmmədovla bağlı Twitter kampaniyasına başlayıb


Ilqar Məmmədov

Human Rights Watch təşkilatı #FreeThem,#ilgarMammadov hashtag-ları ilə REAL Hərəkatının sədri İlgar Məmmədovun azadlığa buraxılmasına çağırış edən Twitter kampaniyasına başlayıb. Kampaniya oktyabrın 14-dək davam edəcək. İlqar Məmmədov barədə Twitter kampaniyası Avropa Şurası Parlament Assambleyasının sessiyası günlərinə təsadüf edir.

REAL Hərəkatının lideri İlqar Məmmədov 2013-cü ilin yanvarında İsmayıllıda iğtişaşların təşkilində ittiham olunaraq həbs edilib. O, 7 il azadlıqdan məhrum edilib. 2014-cü ilin mayında Avropa İnsan Hüquqları Məhkəməsi (AİHM) İ.Məmmədovun həbsini qanunsuz hesab edərək onun azadlığa buraxılmasına çağırıb. Buna baxmayaraq İlqar Məmmədov azadlığa buraxılmayıb.

Avropa Şurası Nazirlər Komitəsi 20-21 sentyabr iclasında İ.Məmmədovun azadlığa buraxılmaması ilə Avropa İnsan Hüquq və Azadlıqları Konvensiyasının pozulduğunu etiraf edib.

Nazirlər Komitəsi Bakının AHİM-in qərarının icrasından imtina etməsini müzakirə edərək, İlqar Məmmədovun azadlığa buraxılmamasını AİHM-in qərarlarının məcburi icrasını tələb edən Avropa İnsan Hüquq və Azadlıqları Konvensiyasının 46.1-ci maddəsinin pozulması kimi qiymətləndirib.

Komitə Azərbaycan hakimiyyətini öz öhdəliklərini könüllü yerinə yetirməyə çağırıb.

Bu il noyabrın 18-də Ali Məhkəmədə hakim Əli Seyfəliyevin sədrliyi ilə REAL Hərəkatının lideri, həbsdə olan İlqar Məmmədovun kassasiya şikayətinə yenidən baxılacaq.

Dünyaya Baxış

Dünyaya Baxış. Antoni Blinken Sudanın Baş naziri ilə danışıb
please wait

No media source currently available

0:00 0:12:27 0:00

Amerika İcmalı

Amerika İcmalı - 22 Oktyabr, 2021
please wait

No media source currently available

0:00 0:29:58 0:00
XS
SM
MD
LG