ABŞ Daxili Təhlükəsizlik Nazirliyi cümə günü bir neçə populyar veb səhifələrinə çıxışı çətinləşdirən bütün mümkün səbəblərin araşdırıldığını bildirib.
ABŞ-ın qərb ştatlarında internet istifadəçiləri saytlara mürəciət edərkən çox ləng axtarışla üzləşib. Xidmət provayderi Dyn bildirir ki, buna hakerlər səbəb olub.
Təşkilatın bəyanatında deyilir ki, sistem qlobal hücumlara məruz qalıb. Əlavə məlumatların bəlli olduqca açılanacağı vəd edilib.
Twitter, SoundCloud, Spotify, Airbnb və Reddit kimi saytlar kiberhücumlara görə zəif çalışıb.
Avropa və Asiya istifadəçiləri problemin təsirinə məruz qalmayıb.
Dyn problemlə cümə günü universal vaxtla 11:10-da üzləşildiyini bəyan edib.
