Accessibility links

İran: Hökumətin kəşfiyyat orqanlarını hədəf alan kiberhücumun qarşısı alınıb


İranın Telekommunikasiya Nazirliyi bazar günü son bir həftə ərzində ikinci kiberhücumun qarşısının aldığını bəyan edib. Bildirilib ki, bu, hökumətin kəşfiyyat orqanlarını hədəf alan hücum olub.

Nazir Məhəmməd Cavad Azari Twitter hesabında yazıb ki, hücumun mahiyyəti və hakerlər müəyyən edilib.

İran dekabrın 11-də bildirib ki, elektron idarəetmə infrastrukturuna kiberhücumu “dəf edib”.

Telekommunikasiya naziri yerli mediaya bu hücumun “dövlət səviyyəsində təşkil olunduğunu” iddia edib.

Onun sözlərinə görə, hücum “yüksək səviyyədə təşkil olunub” və hakimiyyət onun dəqiq miqyasını araşdırır.

Nazir hücumun arxasında durduğu iddia olunan ölkənin adını çəkməyib, yaxud hansı “elektron infrastrukturun” hədəfə alındığının detallarını açıqlamayıb.

O, hücum barədə hesabatın “daha sonra” yayılacağını qeyd edib.

Bu insidentin Birləşmiş Ştatlarla İran arasında davam edən kiber-duel çərçivəsində baş verib-vermədiyi bəlli deyil.

Birləşmiş Ştatlar iyunun 20-də İranın silah sisteminə kiberhücum başladıb. Bundan öncə isə İran ABŞ-ın dronunu vurub, bundan başqa neft tankerlərinə hücumlara görə Vaşinqton Tehranı günahlandırıb.

Tehran iyunun 24-də bəyan edib ki, İran hədəflərinə kiberhücumlar uğursuz olub.

Dünyaya Baxış

Dünyaya Baxış. Rusiya Belqorodda Ukraynanın hava hücumunun qarşısını aldığını bildirib
please wait

No media source currently available

0:00 0:12:17 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG