İran BMT-nin nüvə agentliyini ölkəyə casuslar göndərməkdə ittiham edir

İran Beynəlxalq Atom Enerjisi agentliyini Tehranın nüvə fəaliyyətlərinin monitorinqi məqsədilə ölkəyə öz müfəttişlərilə bərabər casuslar göndərməkdə ittiham edib. İranın dövlət televiziyası Kəşfiyyat naziri Heydər Moslehiyə istinadən xəbər verib ki, BMT-nin nüvə agentliyi xarici kəşfiyyat agentliklərinin casuslarını ölkəyə göndərir və agentlik buna görə məsuliyyət daşımalıdır. O hansı müfəttişlərin casus olduğu barədə bir söz deməyərək, detallara varmayıb. Bu həftənin əvvəli kəşfiyyat naziri BMT-ni Tehranda nüvə fizikinin ölümü və başqa bir adamın yaralanması ilə nəticələnmiş bomba hücumunda əli olmaqda ittiham etmişdi. Moslehi ABŞ, Britaniya və İsrailin kəşfiyyat agentliklərinin hadisədə əli olduğunu bildirib.