Dünən Həcc ziyarəti zamanı Məkkə yaxınlığında 717 nəfərin ölümü ilə nəticələnən basabasda ən çox itki verən İran Səudiyyə Ərəbistanından hərtərəfli təhqiqat və faciədən əziyyət çəkən iranlı zəvvarlara yardım tələb edib.
Bu gün İranda kütləvi nümayişlər zamanı etirazçılar Səudiyyə Ərəbistanını müsəlmanların həyatına son qoyan dəhşətli qəzanın qarşısını almamaqda ittiham edib. Ölənlərin sayının yüksək olması ilə yanaşı, dünən baş verən basabas zamanı 900-dən çox insan da yaralanıb.
İrandakı rəsmiləri Mina dağında faciə zamanı ən azı 131 İran vətəndaşının həlak olduğunu bildirir. Yaralananlar və itkin düşənlər arasında 85 iranlının adı hallanır.
Mərakeş mediası ölənlərin 87-nin mərakeşli olduğuna dair məlumat yayıb. Digər Afrika və Şimali Afrika ölkələri də vətəndaşlarını öldüyünü təsdiq edib. Faciə nəticəsində həlak olanlar arasında hindistanlılar, indoneziyalılar, pakistanlılar və hollandiyalılar da var.
İranın daxili işlər naziri Abdulreza Rəhmani Fəzli ciddi istintaqa dair çağırışının yer aldığı məktubu səudiyyəli həmkarı Məhəmməd bin Nayefə göndərib. Məktubda deyilir: "İranın daxili işlər naziri kimi sizdən Səudiyyənin Həcc rəsmilərindən Məkkə və Minadakı iranlı yardım işçiləri ilə əməkdaşlıq etmələrinə göstəriş verməyinizi xahiş edirəm".
