Accessibility links

Ayətulla Əli Xameneyi ABŞ prezidenti Donald Trampı tənqid edib


İranın ali dini lideri onun İranla bağlı kəskin mövqeyinin sərtxətt tərəfdarı olan sələfi Ronald Reyqanın səyləri kmi uğursuz olacağını deyib

İranın ali dini lideri Ayətulla Əli Xameneyi ABŞ prezidenti Donald Trampı tənqid edərək, onun İranla bağlı kəskin mövqeyinin sərtxətt tərəfdarı olan sələfi Ronald Reyqanın səyləri kmi uğursuz olacağını deyib.

“REYQAN DAHA YAXŞI AKTYOR İDİ”

Reyqan Trampdan daha güclü və ağıllı idi. O, hədələməkdə daha yaxşı aktyor idi. O da bizə qarşı çıxdı və təyyarəmizi vurdu”, - Xameneyi dekabrın 27-də televiziyayla çıxışında, eləcə də Twitter-də bildirib.

1988-ci ildə ABŞ hərbi gəmisi Körfəz üzərində İranın sərnişin təyyarəsini vurub, təyyarədəki 290 nəfərin hamısı həlak olub. Vaşinqton insidentin səhv olduğunu bildirib. Tehransa bunu İrana qarşı məqsədli hücum adlandırıb. O zaman İran İraqla müharibə aparırdı.

Amma Reyqan artıq yoxdur və inancımıza görə, indi Allah qarşısında cavab verir… İransa Reyqan dövründən bəri bütün sahələrdə böyük irəliləyiş əldə edib”, Xameneyi deyib.

Bu tendensiya Amerikanın indiki prezidenti dövründə də davam edəcək və İslam Respublikasının geri çəkiləcəyi, yaxud zəifləyəcəyi sarıdan ümidləri bihudədir”, - İranın hökumət siyasətindən son söz sahibi olan ali dini lider əlavə edib.

İRANA SİLAH İTTİHAMI DA VAR

Tramp İranı “diktatura” adlandırıb, administrasiyası isə Tehranın ballistik nüvə fəaliyyətinə görə yeni sərt sanksiyalar qoyub. ABŞ İranın 2015-ci il nüvə sazişinin ruhunu pozduğunu düşünür.

Administrasiya həmçinin, İranı Yəmənin husi şiə yaraqlılarını dəstəkləməkdə ittiham edir. Tehran bu ittihamı rədd edir.

ABŞ administrasiyası husi yaraqlılarının bu il Səudiyyə Ərəbistanına atdığı raketlərin İranda hazırlanmasına dair sübut ortaya qoyduğunu deyir və BMT-nin silah embarqolarını pozduğuna görə Tehrana yeni sanksiyalar qoymağa çağırıb.

Xameneyi çıxışında bir məsələdən məmnunluğu bildirib. Onun fikrincə, Tramp dövründə Birləşmiş Ştatların İrana qarşı əsl hissləri çılpaqlığıyla ortaya çıxıb. Ali dini liderin deməsinə görə, ABŞ rəsmiləri keçmişdə əsl hisslərini gizlətməklə İranı aldatmağa çalışıblar.

Xameneyi həmçinin, Trampı Qüdsü İsrailin paytaxtı kimi tanıdığına görə sərt tənqid edib. Trampın addımı BMT-də keçirilən səsvermədə də pislənib və bu qərara qarşı qətnamə qəbul olunub.

XS
SM
MD
LG