İraq cümə axşamı ABŞ ordusunun İranın dəstəklədiyi militant qrupunun liderinin ölümü ilə nəticələndiyini dediyi ABŞ-ın dron zərbəsini kəskin tənqid edib. İraq sözçüsü hücumu “mülki insanların həyatına və ya beynəlxalq qanunlara əhəmiyyət verilmədiyini” göstərən “açıq-aşkar qətl” adlandırıb.
İraq baş nazirinin sözçüsü Yehia Rəsul deyib ki, İraqda İslam Dövlət qrupu ilə mübarizə aparmaq üçün fəaliyyət göstərən ABŞ-ın başçılıq etdiyi koalisiya “bizim ərazimizdə mövcudluğunun səbəb və məqsədlərindən davamlı olaraq yayınır.”
“Bu trayektoriya İraq hökumətinin həmişə olduğundan daha çox, qeyri-sabitlik amilinə çevrilən və İraqı münaqişə siklinə salan bu koalisiyanın missiyasına son qoymağa vadar edir,” Rəsul bəyanatda bildirib.
ABŞ-ın Yaxın Şərqdə hərbi əməliyyatlarına nəzarət edən ABŞ Mərkəzi Komandanlığı deyib ki, çərşənbə axşamı endirilən zərbə regionda ABŞ qüvvələrinə hücumların birbaşa planlaşdırılmasına və iştirakına görə məsuliyyət daşıyır.”
ABŞ-ın iki rəsmisi Amerikanın Səsinə komandirin əməliyyat zabiti Visam Məhəmməd Əl-Səidinin olduğunu təsdiq edib. Sosial mediada yayılan şəkillərdə onun cəsədindən İraq şəxsiyyət vəsiqəsinin çıxarıldığı göstərilib.
Amerikanın Səsi daha öncə ABŞ ordusunun Yaxın Şərqdə böyük bir hədəfə qarşı hava hücumu həyata keçirdiyini bildirmiş, amma Əl-Səidinin adını açıqlamamışdı.
Sosial mediada yayılan videoda Bağdadda bir avtomagistralda maşının alovlar içində olduğu göstərilib.
ABŞ-ın zərbəsi Yaxın Şərqdə oktybarın ortalarından bəri ABŞ qüvvələrinə qarşı 170-ə yaxın dron və raket hücumlarına cavab idi. Həmin hücumlardan birində, ötən həftə İordaniyanın şimalında ABŞ-ın üç hərbi qulluqçusu ölüb, onlarla əsgəri yaralanıb.
Cümə günü ABŞ-ın İraq və Suriyaya hava zərbələri dalğasında həmin hücumlara görə məsuliyyət daşıyan İranın dəstəklədiyi qruplaşmalar hədəf alınıb. ABŞ-ın son qiymətləndirmələrinə görə, zərbələr İraqda üç obyekti, Suriyada isə dörd obyekti hədəf alıb və onlar komanda-nəzarət mərkəzləri və kəşfiyyat mərkəzlərindən tutmuş raket və dronların saxlanma obyektlərinə qədər 80-dən çox fərdi hədəfi məhv ediblər.
ABŞ rəsmiləri zərbələri müdafiə edərək, onların keçən ay İordaniyadakı bazada üç ABŞ əsgərinin ölümü ilə nəticələnən pilotsuz təyyarə hücumundan sonra lazım olduğunu bildirsə də, İraq rəsmiləri ABŞ-ın zərbələrinə etiraz etmək üçün ABŞ-ın Bağdaddakı müvəqqəti işlər vəkilini çağıraraq, hədəflərdən bəzilərinin hökumətin təhlükəsizlik qüvvələri olduğunu iddia edib.
ABŞ Dövlət Departamenti bazar ertəsi bildirib ki, İraqa heç bir xəbərdarlıq edilməyib, ancaq əlavə edib ki, ABŞ-ın zərbələri gözlənilməz deyildi.
Pentaqonun mətbuat katibi general-mayor Pat Rayder bazar ertəsi deyib ki, ABŞ-ın İraq və Suriyadakı qruplaşmalara qarşı uzunmüddətli hərbi kampaniya aparmaq planları yoxdur, ancaq o, ABŞ-ın hərbçilərinin öldürülməsinə cavabının “başa çatmadığını” qeyd edib.
Forum