Accessibility links

ABŞ İraqdan yeni raketlərdən müdafiə sisteminin təsdiqini gözləyir


ABŞ-ın İraqdakı qoşunlarını İranın raket hücumu təhlükəsindən daha yaxşı qorumaq üçün İraq rəsmiləri səylərini davam etdirir. Onlar hələ də Patriot raket əleyhinə batareyaların ölkəyə daxil olub-olmamasına qərar verməlidir.

"İraqlıların icazəsi lazımdır" deyən ABŞ müdafiə naziri Mark Esper Pentaqonda jurnalistlərlə brifinq keçirib. Esper bildirib ki, İraqın ABŞ-a icazə verəcəyi halda Patriot batareyalarının harada yerləşdiriləcəyi ilə bağlı fikir ayrılıqlarını da həll etməli olacaq.

Çətinliklərə baxmayaraq, yanvar ayının əvvəlində Əl-Əsəd aviabazasına İranın raket hücumu nəticəsində azı 64 ABŞ əsgərinin travmatik beyin xəsarətləri almasından sonra Esper və digər yüksək vəzifəli Pentaqon rəsmiləri raketlərdən müdafiə sisteminə ehtiyac olduğuna əmindir. Daha əvvəl bir hesabatda 50 Amerika əsgərinin yaralandığı bildirilirdi.

Bu rəqəmə çərşənbə axşamından bəri daha 14 nəfər əlavə edilib.

Müdafiə Nazirliyinin rəsmiləri 39 əsgərin İraqa qayıtdıqlarını bildirib. 21 əsgər müalicə və qiymətləndirmə üçün Almaniyaya göndərilib.

Daha səkkiz hərbçi ABŞ-a qayıdıb.

"Bunlar 1000, 2000 funt silah-sursat idi" - deyə, Birləşmiş Qərargahlar rəisi general Mark Milli jurnalistlərə açıqlama verib. "Bunlar çox ciddi, əhəmiyyətli silahlardır" - deyə, o əlavə edib.

"Əl-Əsəd və ya İrbildə Patriot batalyonu olsaydı, onlar TBM-ləri (Teatral Ballistik raketlər) vura bilərdimi? Bu, belə işlər üçün nəzərdə tutulmuşdur " - deyə, o qeyd edib.

Esper və Milli Pentaqonun İran raketlərindən qoşunların müdafiəsini gücləndirə biləcəyi digər yolları da diqqətlə incələdiklərini deyib.

Lakin Milli böyük ölçüdə mövcud olan özünümüdafiə sisteminin işlədiyini qeyd edib və kəşfiyyatın ABŞ-ın raketlərin vurulmasından əvvəl öz qoşunlarını etibarlı bunkerlərə keçirməsinə imkan yaratdığını bildirib.

"Bu əhəmiyyətlidir" deyən Milli bildirib ki, İranın məqsədi yalnız təchizat və obyektləri məhv etmək deyil, həm də insanları öldürmək idi.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG