Accessibility links

Netanyahu Vaşinqtondan Moskvaya gedəcək


İsrail rəsmilərinin bildirdiyinə görə, Yaxın Şərq sülh planını müzakirə etmək üçün Vaşinqtonda səfərdə olan baş nazir Binyamin Netanyahu çərşənbə günü Moskvaya gedəcək.

Rəsmilər Netanyahunun Rusiya prezidenti Vladimir Putinə sülh planı barədə məlumat vermək istədiyini deyir.

İsrail mediası Netanyahu hökumətinin həddən artıq sərt olduğunu iddia etdiyi narkotik maddə ittihamı ilə Rusiyada həbs edilən İsrail əsilli amerikalı qadın Naama Issacharın geri qaytarılmasına ümid etdiyini deyir.

Benyamin Netanyahu ABŞ prezidenti Donald Trampın Yaxın Şərq sülh planının gözlənilən açıqlanması ərəfəsində Ağ Evə edəcəyi səfəri zamanı "tarix yaradacağına" ümid etdiyini bildirib.

XS
SM
MD
LG