Aviaşirkətlər tərəfindən itirilmiş baqajlar son saxlama yerinə verilir.
ABŞ səfirliyinin Facebook səhifəsində dərc edilmiş məlumata görə, aviaşirkətlər tərəfindən ABŞ-da itirilmiş baqajlar "İtirilmiş Baqaj Məkanı" adlandırılan Alabama Sahibsiz Baqaj Mərkəzində saxlanılır.
“Əgər aviaşirkət 90 gün ərzində itirilmiş baqajın sahibini tapa bilmirsə, həmin baqajı Sahibsiz Baqaj Mərkəzinə sata bilər, öz növbəsində mərkəz də çemodanda olan əşyaları satışa çıxarır”, məlumatda qeyd edilir.
Alabama Sahibsiz Baqaj Mərkəzinə hər gün gələn 7 000 əşyanın arasında almaz üzüklərdən tutmuş mumiyalara kimi hər cür əşyalara rast gəlinir.
