Accessibility links

ABŞ Johnson & Johnson COVID-19 peyvəndi ilə bağlı yeni xəbərdarlıq edib


ABŞ-ın Ərzaq və Dərman İdarəsi nadir görülən nevroloji xəstəliklə əlaqəli olduğu üçün Johnson & Johnson’ın COVID-19 peyvəndi ilə bağlı yeni xəbərdarlıq edir.

Federal nəzarət agentliyi bazar ertəsi tək dozalı peyvənd aldıqdan sonra Guillain-Barré (Giyen Barre) sindromu əmələ gələn 100 nəfər haqqında ilkin məlumatlar aldıqlarını açıqlayıb. FDA-ya görə, Guillain-Barré sindromu immunitet sistemi sinir hüceyrələrini zədələdikdə əzələ zəifləməsinə və ara sıra iflicə səbəb olur. Hər il ABŞ-da 3000-6000 adama bu xəstəlik diaqnozu qoyulur.

FDA Guillain-Barré sindromu aşkarlanmış 100 peyvənd olunmuş şəxsdən 1 nəfərin öldüyünü və 95-nin xəstəxanaya yerləşdirildiyini qeyd edib. Bu cür halların çoxu 50 və daha yaşlı kişilərdə olub və vaksindən iki həftə sonra məlumat verilib.

ABŞ peyvənd tədarükünün az bir hissəsini təşkil edən Johnson və Johnson peyvəndini alan 12,8 milyon insanla müqayisədə bu rgöstərici çox azdır. FDA məlumatları qiymətləndirdikdən sonra peyvəndin "bilinən və potensial faydalarının" "məlum və potensial riskləri açıqca üstələdiyini" müəyyənləşdirib.

Həm FDA, həm də Xəstəliklərə Nəzarət və Profilaktika Mərkəzi peyvənddən sonra 50 yaşınadək bir neçə qadında nadir, lakin ciddi qan laxtalanmasına səbə olduğunu və ən azı bir nəfər öldükdən sonra vaksinin istifadəsini aprel ayında qısa bir müddət dayandırmışdı.

Bu ilin əvvəlində Baltimorun istehsal müəssisəsinin Johnson & Johnson peyvəndi ilə AstraZeneca tərəfindən hazırlanmış COVID-19 peyvəndi maddələrinin qarışdırılması nəticəsində milyonlarla dozanın məhv olması ilə başqa bir problem meydana çıxmışdı.

Şirkət açıqlamasında FDA və dünyanın digər sağlamlıq tənzimləyiciləri ilə hesabatları müzakirə etdiyini deyib.

Şərhlərə bax

Amerika İcmalı

Amerika İcmalı - 30 İyul 2021
please wait

No media source currently available

0:00 0:30:18 0:00
XS
SM
MD
LG