Türkiyə Fransa, Almaniya və Avropa İttifaqın bəzi ölkələrindən olan vətəndaş hüquqları müdafiəçilərinin Kobaniyə dərman və ərzaq yardımlarını dayandırıb.
Fransalı Ari Harkı Amerikanın Səsinə bildirib ki, Türkiyənin səlahiyyətli nümayəndələri təkcə ərzaq və dərman deyil, ailəsi və uşaqlarını Türkiyəyə keçirib geri qayıtmağa cəhd edən kürd döyüşçülərin də Suriyaya girişini yasaqlayıb.
Avropalı könüllülər Kobanidə ilişib qalan sakinlərin ehtiyaclarını qarşılamağa çalışır.
Şəhərin xəstəxana və aptekləri dağıdıldığı üçün dərmanlara böyük ehtiyac duyulur.
İŞİD strateji əhəmiyyət daşıyan Kobanini ələ keçirməyə çalışır. Lakin qrupun səylərinə ABŞ və kürd döyüşçülər mane olur.
