Accessibility links

Konqres kəşfiyyat agentliklərindən Rusiyanın seçkilərə müdaxiləsinə dair əlavə məlumat istəyir


Nümayəndələr Palatasının Kəşfiyyat Komitəsinin sədri Devin Nunes və komitənin aparcı Demokrat üzvü Adam Şiff Kapitolidə dinləmədə iştirak edirlər. 20 mart, 2017.
Nümayəndələr Palatasının Kəşfiyyat Komitəsinin sədri Devin Nunes və komitənin aparcı Demokrat üzvü Adam Şiff Kapitolidə dinləmədə iştirak edirlər. 20 mart, 2017.

Rusiyanın ABŞ seçkilərinə müdaxiləsi üzərində təhqiqat aparan Konqres komitəsi Federal Təhqiqatlar Bürosu (FBI) və Milli Təhlükəsizlik Agentliyi (NSA) rəhbərlərindən məsələ ilə bağlı yenidən ifadə verməyi xahiş edib.

Respublikaçı konqresmen Devin Nunes müxbirlərə bildirib ki, FBI direktoru Ceyms Komi və NSA rəhbəri Maykl Rocers çərşənbə axşamı qapalı dinləmədə yenidən ifadə verəcəklər.

Biz ictimaiyyətin informasiyaya çıxışının kəsilməsini rədd edirik.
Adam Şiff, Konqresmen (Demokrat)

Qapalı dinləməyə vaxt ayırmaq üçün Nunes əvvəllər planlaşdırılmış Obama administrasiyası dönəmindəki Mərkəzi Kəşfiyyat Agentliyinin (CIA) sabiq rəhbəri ilə dinləmənin təxirə salındığını elan edib.

Panelin aparıcı Demokrat üzvü Adam Şiff dərhal Nunesi ictimai informasiyanı boğmaqda ittiham edib.

"Biz ictimaiyyətin informasiyaya çıxışının kəsilməsini rədd edirik,” Şiff müxbirlər qarşısında deyib.

Təxirə-salınmanın siyasi motivli olmadığnı vurğulayan Nunes həmçinin xəbər verib ki, Tramp kampaniyasının sabiq meneceri Paul Manafort komitə qarşısında Rusiya hökuməti ilə əlaqələrə dair sualları cavablandırmağa hazır olduğunu deyib.

Paul Manafort, Tramp kampaniyasının sabiq meneceri
Paul Manafort, Tramp kampaniyasının sabiq meneceri

“Əgər o, bunu ictimaiyyət qarşısında etmək istəyirsə, buyursun. Əgər o bunu qapalı şəraitdə etmək istəyirsə də, buyursun," deyə Nunes Manafortun son təklifini şərh edib.

Paul Manafort illər boyu rusiyapərəst sabiq Ukrayna prezidenti Viktor Yanukoviçə məsləhətçilik edib. Manafortun Yanukoviçlə keçmiş əlaqələri onun Kremllə mümkün təmaslarına dair suallar qaldırıb.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG