Accessibility links

Kubada qıtlıq və hökumətin gözləntiləri doğrultmadığına qarşı etirazlar


Bazar günü Kuba hökumətinə qarşı etirazçılar ölkə iqtisadiyyatının vəziyyəti və koronavirus pandemiyasına cavab da daxil olmaqla, bir çox narazılıqlarını dilə gətirib.

"İstədiyimiz dəyişiklikdir. "Yeter artıq" - deyə, Kubada ev işləri görən Yamila Monte AFP-yə bildirib.

Bu, hökumətə qarşı son on illərdəki ən böyük etiraz nümayişləri olub. Nümayişlər paytaxt Havana və ölkənin müxtəlif bölgələrində də keçirilib.

39 yaşlı ibtidai məktəb işçisi Yudeiki Valverde AFP-yə danışarkən, insanlar "yemək tapılmadığına görə acıqlıdır, problemlər var " deyib.

Kuba ciddi iqtisadi çətinliklər içərisindədir. Hökumət ötən il iqtisadiyyatın 11% azaldığını bildirib. Tramp administrasiyasının yeni səyahət məhdudiyyətləri tətbiq etməsindən və davam edən koronavirus pandemiyasından sonra turizmdəki azalma ABŞ-ın davamlı ticarət sanksiyasını və Venesueladan neft tədarükünü hədəf alan sanksiyaları daha da artırıb.

Bu il COVID-19 yoluxmalarının kəskin sıçrayışına görə etirazçılar səhiyyə sistemindən narazılıq ediblər.

"Dərmanlar səbəbi ilə nümayişlər oldu, çünki ölkədə heç bir şey yoxdur" - deyə, AFP-ə verdiyi açıqlamada 57 yaşlı bir rumba müğənnisi Niurka Rodrigez ABŞ-ın sanksiyasının təsirini etiraf edib.

Kuba prezidenti Migel Diaz-Kanel iğtişaşlarda ABŞ siyasətini günahlandırıb. ABŞ rəsmiləri isə bunu inkar edir. ABŞ Prezidenti Co Bayden etirazçıların "avtoritar bir rejimdən azad olmalarını tələb etdiklərini" deyib.

Associated Press-ə danışan, lakin ehtimal olunan həbs qorxusundan özünü tanıtmaqdan imtina edən bir etirazçı bunları deyib: “Biz növbələrdən, qıtlıqdan bezdik. Ona görə buradayam”.

Reuters-ə danışan və soyadını verməkdən imtina edən Havana sakini Maykel “Burada yaşamaq qeyri-mümkün olub” - deyərək Kubadakı vəziyyəti izah edib.

Şərhlərə bax

XS
SM
MD
LG