Accessibility links

Xəbərlərə görə, Həcc ziyarəti zamanı həddən artıq isti səbəbindən yüzlərlə insan ölüb


Mətbuat xəbərləri və Xarici İşlər Nazirliklərinin verdiyi məlumata görə, hər il müsəlmanların Həcc ziyarəti zamanı Məkkədə yüzlərlə zəvvar güclü istilər səbəbindən dünyalarını dəyişir.

Diplomatların çərşənbə axşamı France Presse (AFP) xəbər agentliyinə verdiyi məlumata görə, Həcc ziyarətində azı 550 nəfər ölüb. France Presse-in iki ərəb diplomatına istinadən verdiyi məlumata görə, ölənlərin 323-ü misirli olub və əksəriyyəti istilərlə bağlı xəstəliklər səbəbindən dünyasını dəyişib.

Reuters bu rəqəmləri təsdiqləyə bilməyib.

Son 30 ildə Səudiyyə Ərəbistanındakı Həcc ziyarəti zamanı basabas, çadır yanğınları və digər qəzalar yüzlərlə insanın ölümünə səbəb olub. Həcc ziyarəti cümə günü başlayıb.

Səudiyyə dövlət televiziyası bazar ertəsi Məkkədəki Məscidül-Hərəmdə kölgədə temperaturun Selsi ilə müsbət 51,8 dərəcəyə qədər yüksəldiyini bildirib.

Journal of Travel and Medicine tərəfindən 2024-cü ildə aparılan bir araşdırma artan qlobal temperaturun istilərlə mübarizə strategiyalarını üstələyə biləcəyini göstərib.

Geophysical Research Letters tərəfindən 2019-cu ildə aparılan araşdırmada deyilib ki, iqlim dəyişikliyi səbəbindən quraqlığın hökm sürdüyü Səudiyyə Ərəbistanında temperatur yüksəldikcə Həcc ziyarətini yerinə yetirən zəvvarlar "böyük təhlükə" ilə üzləşəcəklər.

Tunisin Tunis Afrique Presse xəbər agentliyi çərşənbə axşamı bildirib ki, Həcc ziyarəti zamanı 35 Tunis vətəndaşı dünyasını dəyişib.

İordaniya Xarici İşlər Nazirliyi çərşənbə axşamı iordaniyalı 41 zəvvarın dəfninə icazəsi verdiyini bildirib. Nazirlik bundan əvvəl ən azı altı İordaniya vətəndaşının Həcc ziyarəti zamanı istidən öldüyünü bildirmişdi.

İranın IRINN dövlət xəbər agentliyi çərşənbə axşamı ölüm səbəblərini açıqlamadan bildirib ki, Həcc ziyarəti zamanı 11 iranlı ölüb, 24 nəfər xəstəxanaya yerləşdirilib.

Agence de Presse Senegalaise bazar ertəsi bildirib ki, Həcc ziyarəti zamanı 3 Seneqal vətəndaşı ölüb.

İndoneziya Səhiyyə Nazirliyinin çərşənbə axşamı verdiyi məlumata görə, 144 İndoneziya vətəndaşı Həcc ziyarəti zamanı ölüb. Məlumatlarda ölümlərdən hər hansı birinin isti vurması nəticəsində olub-olmadığı dəqiqləşdirilməyib.

Forum

Dünyaya Baxış

DB 07 19 2024.mp4
please wait
Embed

No media source currently available

0:00 0:11:52 0:00
XS
SM
MD
LG