Accessibility links

İran Azərbaycanında yüzlərlə mədən işçisi piket keçirib


İranın Şərqi və Qərbi Azərbaycan vilayətlərində yüzlərlə mədən işçisi piket və tətil keçirib.

Şərqi Azərbaycan vilayətinin Vərziqan bölgəsindəki Süngün mis mədəni və Qərbi Azərbaycanın Tikantəpə şəhərinin yaxınlığında yerləşən Ağdərə qızıl mədənində çalışan işçilər həmkarlarının işdən çıxarılmasına etiraz olaraq piket təşkil ediblər.

“İran İşçilərinin Azad Birliyi”-nin Telegram kanalında yayılan xəbərə görə, Süngün mis mədəninin podratçı şirkətlərinə çalışan təqribən 2 min işçi bazar günündən bəri tətil aksiyası keçirərək həmkarlar ittifaqı fəalı olan 60 işçinin işdən çıxarılmasına etiraz bildirirlər.

İranın ikinci ən böyük qızıl mədəni olan Tikantəpənin Ağdərə mədənində keçirilən piket haqqında məlumatı isə İLNA xəbər agentliyi yayıb.

“Bazar ertəsi günü noyabrın 22-də Ağdərə qızıl mədəninin işdən çıxardığı bir qrup işçi piket təşkil edərək özləri və işsiz qalan digər həmkarlarının hüquqlarını tələb ediblər,” agentlik bildirib.

İLNA-nın xəbərinə istinadən, işdən çıxarılan işçilər mədənin yaxınlığında yerləşən kəndlərin sakinləridirlər.

İşçilərin dediyinə görə, “Ağdərə mədəni dörd mövsüm çalışan sabit işçilərini başqa bölgələrdən gətirir, amma yerli işçilər mövsümi olaraq çalışır və ilin 6 ayı işsiz qalırlar.”

Şərhlərə bax

Dünyaya Baxış

Dünyaya Baxış. Rusiya-Ukrayna gərginliyi fonunda Bayden-Putin görüşü baş tutub
please wait

No media source currently available

0:00 0:12:27 0:00

Amerika İcmalı

Amerika İcmalı - 3 Dekabr 2021
please wait

No media source currently available

0:00 0:29:43 0:00
XS
SM
MD
LG