Accessibility links

Sərhədsiz Reportyorlar: Ukrayna prokurorluğunu Fikrət Hüseynlinin pasportunu qaytarmağa çağırırıq


Fikrət Hüseynli
Fikrət Hüseynli

"Sərhədsiz Reportyorlar" beynəlxalq mətbuatı müdafiə təşkilatı Ukrayna baş prokuroru Lutsenkoya Niderland vətəndaşlığı olan jurnalist Fikrət Hüseynlini ölkədən dərhal buraxmaq çağırışı ilə müraciət göndərib.

Müraciətdə qeyd edilir ki, əslən Azərbaycanlı olan Fikrət Hüseynli beş aydır ki, Bakıya təhvil verilməsini tələb edən Azərbaycan hakimiyyətinin sorğusu əsasında Kiyevdə saxlanılır.

Sizi onun pasportunu dərhal qaytarmağa və Hüseynlinin Ukraynadan çıxmasına icazə verməyə çağırırıq.

Məhkəmənin qərarına görə, Hüseynli ölkədən buraxılmasına qarşı olan Ukrayna prokurorluğunun mövqeyi ilə əlaqədar Kiyevdə saxlanılır.

"Sizi onun pasportunu dərhal qaytarmağa və Hüseynlinin Ukraynadan çıxmasına icazə verməyə çağırırıq," müraciətdə bildirilir.

"Onun rəsmi Bakıya təhvil verilməsi haqqında sorğu Azərbaycan hakimiyyətinin hakim rejimin tənqidçilərindən biri ilə hesablaşmaq cəhdidir. Hüseynli İlham Əliyevi tənqid edən "Azərbaycan saatı" internet kanalının əməkdaşıdır və Bakının bu jurnalisti susdurmaq cəhdinin səbəbi məhz budur."

"Sizdən Hüseynlinin Azərbaycana təhvil verilməsi haqqında sorğunu dərhal rədd etməyi xahiş edirik. Niderland hakimiyyətinin onu öz müdafiəsinə götürdüyünü və ona ölkənin vətəndaşlığını verdiyini nəzərə alaraq, onun Azərbaycana göndərilməsi nəinki qanunsuz olacaq, həm də onu böyük təhlükəyə atacaq və bunun ən ağır nəticələri ola bilər," sənəddə deyilir.

Fikrət Hüseynli 2017-ci il oktyabrın 14-də Kiyevdən Düsseldorfa uçarkən Azərbaycanın sorğusu əsasında İnterpol xəttilə saxlanılıb. Azərbaycanda o, dələduzluq və sərhədi qanunsuz keçməkdə ittiham olunur.

Fikrət Hüseynli və Ukrayna Ali Radasının deputati Nikola Knyajitski (Foto Səid Nurinindir)
Fikrət Hüseynli və Ukrayna Ali Radasının deputati Nikola Knyajitski (Foto Səid Nurinindir)

Oktyabrın 18-də Ukraynanın Borispol Şəhər Məhkəməsi onun Azərbaycana ekstradisiyası məsələsinə baxmaq üçün 18 gün müddətinə həbs edib.

Oktyabrın 27-də Kiyevin Lukyanovski Məhkəməsi Ukrayna Ali Radasının deputatı Mikola Knyajitskinin və ictimai xadim Boris Zaxarovun zaminliyi ilə F.Hüseynlini azad edib. Eyni zamanda məhkəmə dövlət ittihamçısının F.Hüseynlinin Azərbaycana ekstradisiyası haqqında vəsatətini təmin etməyib.

Kiyev prokurorluğu Hüseynlinin azad edilməsindən apellyasiya şikayəti verib və onun həbs edilməsini tələb edib.

Protest üzrə məhkəmə yanvarın 17-də başlayıb, ancaq 4 dəfə təxirə salınıb. Nəhayət, fevralın 13-də məhkəmə ekstradisiyadan imtina edib.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG