Accessibility links

Məhəmməd Rəhmanifər: Xəbər yaymağı özümüzə vəzifə görmürük [Audio-Müsahibə]


“Bəlkə bizlər daha peşəkar çalışmağı öyrənməmişik. Bizim mediada da ümumiyyətlə o yoldaşlar çalışır ki, media fəaliyyəti bunların ikinci, ya üçüncü peşəsidir”, deyə Məhəmməd Rəhmanifər İran Azərbaycanındakı mədəni fəaliyyətlərin kifayət qədər mediada işıqlandırılmamasının səbəblərini dəyərləndirir.

Məhəmməd Rəhmanifər Amerikanın Səsinə danışır
please wait

No media source currently available

0:00 0:12:19 0:00

Təbrizdən Amerikanın Səsinə danışan yazar və mədəni fəal son vaxtlar ana dilinin tədrisi və türkcənin rəsmiləşdirilməsi tələbi ilə təşkil olunan kampaniyalar və mitinqlər haqqında məlumat verib. O həmçinin bu olayların sosial mediada zəif əks olunmasının səbəbləri haqqında fikirlərini paylaşıb.

Təbrizin Azərbaycan Şəhid Mədəni Universiteti: Mitinq keçirən tələbələr türkcənin universitetdə tədrisini tələb edirlər
Təbrizin Azərbaycan Şəhid Mədəni Universiteti: Mitinq keçirən tələbələr türkcənin universitetdə tədrisini tələb edirlər

Məhəmməd Rəhmanifər ana dili ilə bağlı tələblərin sadəcə Dünya Ana Dili Gününə məxsus olmadığını, bu tələblərin məktəblərin açıldığı zaman, seçkilər zamanı, prezidentin Azərbaycan şəhərlərinə səfərlərində və başqa münasibətlərdə dilə gətirildiyini vurğulayır.

Ana Dili Günü ilə bağlı rəsmi şəkildə mərasim keçirmək üçün təəssüf ki, icazə vermirlər...
Məhəmməd Rəhmanifər

“Ana Dili Günü ilə bağlı rəsmi şəkildə mərasim keçirmək üçün təəssüf ki, icazə vermirlər. Yəni hər il mədəni fəallarımız bu günlə bağlı rəsmi mərasim keçirmək üçün icazə almağa çalışırlar. Bəzən mən də müraciət etmişəm... Təəssüflə, keçən illər kimi bu il də bu müraciətlərə mənfi cavab verildi”, deyə o bildirir.

Keçən həftələrdə Urmiyə, Təbriz, Binab və digər şəhərlərdə minlərlə universitet tələbəsinin türkcənin tədrisi və rəsmilərşidirilməsi tələbi ilə təşkil etdikləri mitinqlər və imza kampaniyaları haqqında məlumat verən yazar bu olayların kifayət qədər media və sosial şəbəkələrdə işıqlandırılmadığından şikayətlənir.

O, İran Azərbaycanında media fəaliyyətinin peşəkar səviyyədə olmadığına diqqət çəkir:

“Bəlkə bizlər daha peşəkar çalışmağı öyrənməmişik. Bizim mediada da ümumiyyətlə o yoldaşlar çalışır ki, media fəaliyyəti bunların ikinci ya üçüncü peşəsidir. Bu baxımdan bunlara haqq verirəm. Çünki buralarda heç kəs deyə bilmir ki, mən məişətimi media fəaliyyəti ilə təmin edirəm.”

Sosial mediada ana dili ilə bağlı şeir paylaşmaq, profil şəkli dəyişdirmək və yazı paylaşmaq var. Amma, xəbər adı daşıyan materialları paylaşmağa gələndə, bəlkə biz bunu özümüzə vəzifə kimi görmürük.
Məhəmməd Rəhmanifər

İran Azərbaycanında yüzlərlə tələbənin mitinqlər keçirərək türk dilinin universitetlərdə tədrisini tələb etməsi və 4 mindən artıq tələbənin türkcənin rəsmiləşdirilməsi tələbi ilə prezidentə məktub ünvanlaması sosial mediada da o kampaniyaların həcmi ilə mütənasib bir şəkildə əks olunmadı.

Məhəmməd Rəhmanifər hesab edir ki, fəallar kampaniyaların mediada işıqlandırılmasını əsas prioritet kimi görmürlər.

“Sosial mediada ana dili ilə bağlı şeir paylaşmaq, profil şəkli dəyişdirmək və yazı paylaşmaq var. Amma xəbər adı daşıyan materialları paylaşmağa gələndə, bəlkə biz bunu özümüzə vəzifə kimi görmürük,” deyə o, əlavə edir

Amerika İcmalı

Amerika İcmalı - 30 İyul 2021
please wait

No media source currently available

0:00 0:30:18 0:00
XS
SM
MD
LG