Meksikada xilasedicilər ötən ay baş verən zəlzələnin qurbanlarının axtarışlarını artıq dayandırıblar.
Rəsmilər deyir ki, sentyabrın 18-də baş verən zəlzələnin son qurbanının cəsədi dağıntılar arasından çıxarılıb və ölkə artıq diqqəti bərpa işlərinə yönəldib.
Ən son zəlzələ qurbanının cəsədi çərşənbə günü Mexikoda yeddimərtəbəli binanın dağıntıları altından çıxarılıb.
7,1 bal gücündə zəlzələ 369 nəfərin ölümünə səbəb olub. Ən çox insan Mexiko şəhərində ölüb. Orada təxminən 1800 bina dağılıb ya da ciddi zərər görüb.
