Ağ Evə turlar ictimaiyyət üçün martın 7-də etibarən açıq olacaq.
Turlar hökumətin dəyişməsi və prezident Donald Tramp administrasiyasının ilk həftələr işə başlaması ilə əlaqədar olaraq müvəqqəti dayandırılmışdı.
ABŞ-ın birinci xanımı Melaniya Tramp çərşənbə axşamı turların martın 7-dən etibarən ictimaiyyət üçün açıq olacağını elan edib.
Ağ Evin ictimaiyyət üçün açıq hissələrində turlar bələdçi olmadan keçirilir.
Ekskursiyaya bilet almaq üçün vətəndaşlar Konqresdə öz nümayəndəsinə müraciət etməlidirlər.
Xanım Tramp açıqlamasında bildirib ki, o, "müstəsna və tarixi bir yer olan" Ağ Evin gözəlliyi və tarixini ictimaiyyətlə bölüşə bilmək imkanını böyük həyəcanla gözləyir.
