ATƏT-in Minsk qrupunun həmsədrləri Dağlıq Qarabağ münaqişəsi zonasında təmas xəttində atəşkəs rejiminin genişmiqyaslı pozulması barədə xəbərlərə görə ciddi narahatlığını bildirir.
ATƏT-in Minsk qrupunun həmsədrlərinin birgə bəyanatında deyilir:
"Biz gücdən istifadəni qətiyyətlə qınayırıq və insanların, o cümlədən mülki vətəndaşların mənasız ölümünə görə təəssüflənirik", həmsədrlər qeyd edir.
Onlar tərəfləri atəşkəsə əməl etməyə və yerlərdə vəziyyətin sabitləşdirilməsi üçün bütün zəruri tədbirləri görməyə çağırıb.
ATƏT-in Minsk qrupunun həmsədrləri vurğulayıb ki, münaqişənin sülh yolu ilə həllinə alternativ yoxdur və müharibə seçim variantı ola bilməz.
Öz növbəsində, ABŞ-dan olan həmsədri Ceyms UorlikATƏT-in Minsk qrupunun həmsədrləri aprelin 4-də Vyanada görüşəcəklərini bildirib.
Onun sözlərinə görə, vasitəçilər təmas xəttindəki vəziyyəti müzakirə edəcəklər.
Aprelin 5-də isə həmsədrlər ATƏT-in Minsk qrupunun ümumi iclasında iştirak edəcəklər.
