Misir Türkiyənin baş naziri Rəcəb Tayyib Ərdoğanın prezidenti təhqir etməsindən sonra Türkiyə səfirliyinə etiraz notu verib.
Misirin Xarici İşlər Nazirliyi baş nazirin dediklərinin qarşılıqlı münasibətləri məhdudlaşdıracağı barədə xəbərdarlıq verib.
Ərdoğan CNN-ə müsahibəsi zamanı Misir prezidenti Əbdel Fəttah Əl-Sissini tiran adlandırıb. O, Misir rəhbərini Qəzza münaqişəsinə riyakar münasibət göstərməkdə günahlandırıb.
Misirlə Türkiyə arasında əlaqələr ötən il Müsəlman Qardaşları hökumətinin devrilməsindən sonra pozulub.
