Moskva polisi aprelin 2-də 29 aksiyaçını saxlayıb.
Bu barədə AzadlıqRadiosunun Rusiya xidməti, France-Press və TASS agentlikləri məlumat yayıb.
Onlar ictimai asaişi pozmaqda ittiham olunur.
Bu etiraz aksiyası bir həftə əvvəl müxalifət lideri Aleksey Navalnının təşkil etdiyi aksiyalardan bir həftə sonraya təsadüf edir.
Həmin aksiyalarda ümumilikdə 1000-dən çox adam saxlanmışdı.
Navalnının özü hazırda həmin aksiyalara görə 15 sutkalıq həbs çəzası çəkir.
Navalnı bu aksiyadan xəbərsiz olduğunu deyir.
“O, ümumiyyətlə bu barədə heç nə bilmir”- deyə, Navalnının mətbuat katibi Kira Yarmış Tvitterdə yazır.
Martın 26-də keçirilən aksiya son 5 ildə ölkədə korrupsiyaya əleyhinə ən böyük etiraz hesab olunur.
Rusiya hakimiyyəti aprelin 1-də korrupsiya əleyhinə icazəsiz etirazlara çağıran bir neçə nəfərə qarşı cinayət işi açıldığını bəyan edib.
Məlumatlara görə, hakimiyyət etirazlara çağıran bir sıra internet-saytlara girişi bağlayıb.
