Accessibility links

Moskva yaxınlığında təyyarə qəza enişi edib


Rusiyada sərnişin təyyarəsi havaya qalxdıqdan bir qədər sonra Moskva yaxınlığında qəza enişi etmək məcburiyyətində qalıb.

Göyərtəsində 233 sərnişin olan təyyarə havaya qalxdıqdan bir qədər sonra quş sürüsü ilə toqquşub. Toqquşmadan sonra təyyarə qarğıdalı tarlasına qəza enişi etmək məcburiyyətində qalıb. Səhiyyə Naziriyinin verdiyi məlumata görə, hadisə zamanı ölən olmayıb, 23 nəfər yaralanıb.

Rusiya mülki aviasiya idarəsinin nümayəndəsinin sözlərinə görə, Ural Hava Yolları şirkətinin təyyarəsi qəza enişi edərkən onun mühərriki söndürülüb və şassiləri bağlı olub.

Dövlət televiziyasına müsahibə verən sərnişinlərdən biri təyyarənin havaya qalxdıqdan qısa müddət sonra güclü silkələnməyə başladığını və salonda yanıq qoxusu dolduğunu söylədi.

Pilot təyyarəni ''ustalıqla'' endirə bilməsi və bu qədər insanın həyatını xilas etdiyi üçün ''qəhrəman'' adlandırılıb.

Fikirləriniz

Show comments

XS
SM
MD
LG