Azərbaycan müdafiə naziri Zakir Həsənov cəbhəboyu zonada yerləşən birlik və birləşmələrin döyüşə hazırolma səviyyəsini yoxlayıb.
Müdafiə Nazirliyinin mətbuat xidmətinin məlumatına görə, qəfil həyəcan siqnalı ilə qaldırılan qoşunların hərtərəfli döyüş hazırlığı, qarşıya qoyulan vəzifələri qısa müddətdə yerinə yetirmək üzrə bacarığı və manevr imkanları yoxlanılmaqla praktiki döyüş atışları icra olunub.
Mətbuat xidməti bildirir ki, nazir yoxlanılan hərbi hissələrin döyüş və əməliyyat imkanlarını, hərbi əməliyyatları aparmaq qabiliyyətini yüksək qiymətləndirib.
