Müəmmar Qəzzafinin iqamətgahı yerləşən ərazi hədəf alınıb

NATO hərbi təyyarəsinin paytaxt Tripolidə Liviya lideri Müəmmar Qəzzafinin iqamətgahı olan ərazini hədəf alarkən azı bir binanın sıradan çıxdığı xəbər verilir. Bu gün paytaxtın mərkəzində yerləşən Bab əl-Əziziyə yaşayış kompleksinə iki raket hücumu edilib. Liviya rəsmiləri hücum zamanı 3 adamın həlak olduğunu, 45 nəfərin yaralandığını bildirir. Hədəf alınan binada nazirlər və digər rəsmiləin yığıncaqları keçirilir. Hücum zamanı Müəmmar Qəzzafinin xəsarət almadığı bildirilir.