Accessibility links

NATO baş katibi Dağlıq Qarabağ münaqişəsinin həll olunmamasından narahatdır


İlham Əliyev və Yens Stoltenberq

Dağlıq Qarabağda münaqişənin həll olunmaması narahatlıq doğurur. Bu barədə NATO baş katibi Yens Stoltenberq noyabrın 23-də Brüsseldə Azərbaycan prezidenti İlham Əliyevlə görüşünün yekununda bildirib.

"Bu gün biz Cənubi Qafqazda regional təhlükəsizliyi müzakirə etdik. Dağlıq Qarabağda münaqişənin həll olunmaması bizdə narahatlıq doğurur. Aydındır ki, bu münaqişənin hərbi həll yolu yoxdur", Stoltenberq bildirib.

Onun sözlərinə görə, NATO Dağlıq Qarabağ münaqişəsinin həlli üçün formalaşdırılmış ATƏT-in Minsk Qrupunun fəaliyyətini dəstəkləyir. "Tərəflərin problemin həllini tapmağa çalışması, habelə gərginliyin artmasından uzaq durmaq üçün səy göstərməsi çox vacibdir", deyə o qeyd edib.

Öz növbəsində, Əliyev bildirib ki, Ermənistan nizamlanmaya can atmır və status-kvonu saxlamağa çalışır. BMT Təhlükəsizlik Şurasının erməni qoşunlarının işğal olunmuş ərazilərdən çıxarılması haqqında dörd qətnaməsini xatırladan Əliyev deyib ki, münaqişə Azərbaycanın ərazi bütövlüyünə riayət olunmaqla həll oluna bilər.

Fikirləriniz

Show comments

XS
SM
MD
LG