Accessibility links

NATO gələn həftə onilliklərin ən böyük təlimlərinə başlayacaq


ABŞ-ın Avropadakı Müttəfiq Qüvvələrinin ali baş komandanı general Kristofer Kavoli
ABŞ-ın Avropadakı Müttəfiq Qüvvələrinin ali baş komandanı general Kristofer Kavoli

Yüksək rütbəli ordu rəsmilərinin cümə axşamı bildirdiyinə görə, NATO gələn həftə onilliklərin ən böyük hərbi təlimlərinə başlayacaq. Alyansın bütün ərazisini, hətta Rusiya ilə sərhədlərə qədər müdafiə edə biləcəyini göstərmək məqsədi daşıyan təlimlərdə 90 min şəxsi heyət iştirak edəcək.

Təlimlər Rusiyanın Ukraynaya qarşı müharibəsinin dalana dirəndiyi bir vaxta təsadüf edir. Bir çox üzv ölkənin fərdi və ya qrup halında silah və sursat göndərməsinə və hərbi təlimlər keçməsinə baxmayaraq, NATO Kyivə qeyri-öldürücü dəstək vermək istisna olmaqla, münaqişədə birbaşa iştirak etmir.

Prezident Vladimir Putinin 2022-ci ilin fevralında Rusiya qoşunlarının Ukraynaya daxil olması əmrindən aylar əvvəl NATO Rusiya və Ukrayna ilə birlikdə şərq cinahında təhlükəsizliyi gücləndirməyə başladı. Bu, Soyuq Müharibədən bəri alyansın ən böyük . Müharibə oyunları Rusiyanı üzv ölkəni hədəf almaqdan çəkindirmək üçün idi.

31 ölkənin daxil olduğu təşkilat "Mətin Müdafiəçi 24" adlı təlimlərdə "NATO-nun bir neçə ay ərzində minlərlə kilometr məsafədə - Yüksək Şimaldan Mərkəzi və Şərqi Avropaya qədər, istənilən şəraitdə mürəkkəb çoxsahəli əməliyyatlar apara və davam etdirə biləcəyini göstərəcək" deyə, bildirib.

Mayın sonunadəık qoşunlar Avropaya gedib gələcək. Məqsəd oxşar həcmli rəqibə qarşı müharibə hazırlığını gücləndirməkdir. NATO-nun yeni müdafiə planı başlıca rəqib olaraq Rusiyanı və terrorist təşkilatı nəzərdə tutur.

"Alyans Şimali Amerikadan olan qüvvələrin transatlantik hərəkəti vasitəsilə Avro-Atlantik regionunu gücləndirmək qabiliyyətini nümayiş etdirəcək" - deyə, NATO Müttəfiq Qüvvələrinin ali baş komandanı, ABŞ generalı Kristofer Kavoli jurnalistlərə bildirib.

Kavoli bunun "birliyimizi, gücümüzü və bir-birimizi qorumaq əzmimizi" nümayiş etdirəcəyini deyib.

Forum

XS
SM
MD
LG