Accessibility links

NATO rəhbəri Rusiyadan gələn nüvə təhlükəsi ilə bağlı xəbərdarlıq etdi


NATO-nun rəhbəri bildirib ki, alyans Rusiya ilə yeni silah rəqabətinə cəlb olunmayacağına qərarlıdır. Bununla bərabər o, xəbərdarlıq etdi ki, Moskva Qərbə təhlükə törədə biləcək yeni nüvə silahları inkişaf etdirir.

“Rusiya yeni nüvə sistemləri inkişaf etdirməklə öz nüvə qabiliyyətini müasirləşdirir və hərbi strategiyasında nüvə silahlarının rolunu artırır. Bu narahatlıq üçün real səbəbdir.” – deyə NATO katibi General Yens Stoltenberq cümə günü Münhen Təhlükəsizlik Konfransında çıxışı zamanı bildirib.

Dünyanın müxtəlif yerlərindən Almaniyanın cənub şəhərində toplaşan siyasi və hərbi liderlər hazırkı qlobal nizamın gələcəyi ilə bağlı şübhələr fonunda müdafiə məsələlərini müzakirə ediblər.

Stoltenberq deyib ki, NATO yeni Soyuq Müharibəyə yol vermək niyyətində deyil. Bununla bərabər katib Avropa İttifaqı ölkələrinin müdafiə məsələlərində daha yaxından əməkdaşlıq etmək qərarını alqışladı.

Birləşmiş Ştatlar son həftələr səslənən narahatlıqlarla bağlı razılığını ifadə etdi. Lakin Almaniyanın müdafiə naziri Ursula Von Der Leyen konfransda bildiridi ki, bu narahatlıqlar yersizdir.

Vaşinqton dəfələrlə avropalı müttəfiqlərini müdafiə xərclərini artırmağa səsləyib. ABŞ müdafiə naziri Cim Mattis cümə günü Münhendə olsa da, konfransda çıxış etməyib.

XS
SM
MD
LG