Yenicə icad edilmiş dərman ən aqressiv xərçəng xəstəliyi növləri üçün nəzərdə tutulub. İndiyədək müalicəsi mümkün olmayan bəzi xərçəng xəstələri kliniki sınaqlardan yaxşı çıxır.
Ən ağır xərçəng xəstəliyinə qarşı bu dərmanı əczaçılıq nəhəngi Pfizer və Abbvie Stemcentrix kiçik bio-texnoloji şirkətinin alimləri hazırlayıb. Bu növ xərçəngləri müalicə etmək çətindir və onlar çox zaman geri qayıdır. Alimlər bu dərmanı sıçanlar və meymunlar üzərində sınaqdan keçirib. İnsanlar üzərində isə sınaqlar hələ də davam edir.
“Biz bu dərman vasitəsilə xərçəngi kökündın qoparmaq istəyirik. Sizin bağçadan alaq otunu bir daha bitməsin deyə kökündən çıxarıb atdığınız kimi. Biz bu dərmanı xərçəngin kökünü kəsmək üçün hazırlamışıq və bundan kimya-terapiyasında, xərçəng hüceyrələrini öldürmək üçün istifadə edirik” deyə, Nyu-Yorkdakı Fayzer Araşdırmalar Mərkəzindən doktor Mark Damelin bildirir.
Bu preparatın iki xüsusiyyəti var. Bunda xərçənglə mübarizə aparan əks-cisimlər var. Alimlər kimya-terapiyasında zülallı molekullar olan əks-cismlərdən istifadə edir. Həmin əks-cisimlər xərçəngin hüceyrələrini öldürərək, inkişaf etməsinə imkan vermir.
Damelin deyir ki, bu təcrübə yumurtalığında xərçəng olan 30 faizə qədər xəstəyə müsbət təsir göstərib. Bu, əvvəllər müalicələri uğursuz olmuş xəstələrdir.
Ümid var ki, bu dərman kimya-terapiyasını əvəzləyə bilər. Bu dərman həm də əvvəlkilərdən fərqli olaraq, daha az toksinli və yan təsirləri az olan dərmandır. Əgər bu dərman uğurlu olarsa, alimlər bunun prostat, mədə, qida borusu və ağ qan kimi digər aqressiv xərçəngləri də müalicə edə biləcəyinı düşünür.
Böyük insan kütləsi arasında təcrübələrə bu il başlanılacaq. Əgər təcrübələrin nəticələri uğurlu alınarsa, insanlar ağır xərçəng xəstəliklərindən xilas ola bilər.
