Accessibility links

Dövlət ittihamçısı keçmiş nazirə 3 il həbs istəyib


Həbs

Nicat Quliyev 2013-cü il avqustun 7-də tutulub

Dövlət ittihamçısı məhkəmədən sabiq xarici iqtisadi əlaqələr naziri Nicat Quliyevə 3 il müddətinə həbs istəyib. Məhkəmə prosesi Abşeron rayon məhkəməsində davam etdirilib. Bu barədə vəkili Elton Quliyev Amerikanın Səsinə bildirib.

Proses qeyri-müəyyən vaxtadək təxirə salınıb.

Nicat Quliyev Cinayət Məcəlləsinin 228.1-ci (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla) partlayıcı maddələr və qurğular əldə etmə, başqasına vermə , satma, saxlama, daşıma və ya gəzdirmə) maddəsində nəzərdə tutulan cinayəti törətməkdə şübhəli bilindiyinə görə 2013-cü il avqustun 7-də tutulub.

N. Quliyev təqsirləndirilən şəxs qismində cəlb olunaraq məhkəmənin qərarı ilə avqustun 8-də barəsində həbs-qətimkan tədbiri seçilib.

Quliyev 1993-95-ci illərdə xarici iqtisadi əlaqələr naziri vəzifəsini müvəqqəti icra edib. Sonra Acarıstana gedib, 2004-cü ilədək prezident Aslan Abaşidzenin müşaviri olub. .

O 2005-ci ilin oktyabrın 19-da da həbs edilib. Quliyevə qarşı dövlət çevrilişinə cəhddə iştirak maddəsi ilə ittiham irəli sürülsə də, az sonra azadlığa buraxılıb.

Dünyaya Baxış

Dünyaya Baxış. Avstraliya ABŞ və Britaniya ilə yeni müdafiə sazişi imzalayıb
please wait

No media source currently available

0:00 0:12:53 0:00

Amerika İcmalı

Amerika İcmalı - 11 Sentyabr hücumlarının 20-ci ildönümü
please wait

No media source currently available

0:00 0:30:02 0:00
XS
SM
MD
LG