Accessibility links

Nyu-York qanunvericiləri vətəndaş olmayanlara səsvermə hüququ verən qanun layihəsini qəbul edib


Şəhər Şurası tərəfindən təsdiqlənən qaydaya əsasən Nyu-York şəhərində qeyri-vətəndaşlar, 800 000 yaşıl kart sahibi və xəyalpərəstlərə (dreamers) səsvermə hüququ verilir.

Yalnız şəhər meriı Bill de Blasio-nun potensial vetosu tədbirin qanuna çevrilməsinə mane ola bilər. Demokrat onun veto qoymayacağını deyir.

Qanun layihəsinin hüquqi problemlərlə üzləşib-üzləşməyəcəyi bəlli deyil.

Şuranın səsverməsi uzun müddət davam edən səylərdən sonra tarixi bir an idi.

Ailəsi Ekvadordan olan şura üzvü Fransisko Moya qanun layihəsinə dəstək çıxışı zamanı gövrəlib.

"Bu, oğluna səs verə biləcək gözəl anam üçündür" - deyə, Moya mühacir anasının yanında video ilə seansa qatılarkən bildirib.

Birləşmiş Ştatlarda ondan çox icma artıq vətəndaş olmayanlara yerli seçkilərdə, o cümlədən Merilend ştatında 11 və Vermontda 2 şəhərdə səs verməyə icazə verir. Nyu-York şəhəri isə vətəndaş olmayanlara səsvermə hüququ verən ən böyük yerdir.

Vətəndaş olmayanlar hələ də federal yarışlarda və ya qubernator, hakimlər və qanunvericiləri seçən ştat seçkilərində, prezident və ya Konqres üzvlərinə səs verə bilməyəcəklər. Şəhərin bu addımı səsvermə hüquqları ilə bağlı milli müzakirələri alovlandıra bilər, xüsusən də federal seçkilərdə vətəndaş olmayanlar tərəfindən geniş saxtakarlığın baş verəcəyini iddia edənlər arasında.

Keçən il Alabama, Kolorado və Florida ştatları Nyu Yorkdakı kimi qanunların qəbulu cəhdlərinin qarşısını alan qaydalar qəbul edib. Arizona və Şimali Dakotada qadağalar artıq tətbiq edilib.

Şuranın çoxluq lideri, qanun layihəsinə qarşı çıxan Demokrat Lori Kumbo deyib ki, bu gün hazırladığımız qanun layihəsinin milli əks-sədası olacaq. O, qanun layihəsinin afro-amerikalı seçicilərin təsirini azalda biləcəyindən narahatlığını ifadə edib.

Qanuni olaraq sənədləşdirilmiş, səsvermə yaşında olan vətəndaşlar şəhərin 7 milyon səsvermə yaşındakı əhalisinin təxminən hər doqquzundan birini təşkil edir. Bu, ən azı 30 gün ərzində şəhərin qanuni daimi sakinləri olan və vətəndaş olmayanlara, eləcə də ABŞ-da işləmək icazəsi olanlara, xəyalpərəstlərə şəhər merini, şəhər şurasının üzvlərini və rayon prezidentlərini seçməkdə kömək etməyə imkan verəcək.

"Bu, heç kimə sirr deyil; biz bu gün tarix yazırıq. Əlli ildən sonra uşaqlarımız geriyə baxdıqda, immiqrantlara səsvermə hüququ bəxş edən Nyu-Yorkun tarixində yeni bir səhifə yazmaq üçün bir araya gələn müxtəlif vəkillər koalisiyasını görəcəklər. New Yorklular səsvermənin gücüdür" - deyə, qanun layihəsinin əsas sponsoru olan şura üzvü Ydanis Rodriqez cümə axşamı günü səsvermədən sonra verdiyi açıqlamada bildirib.

Qanun Seçki Şurasına iyul ayına qədər icra planı hazırlamağı, o cümlədən seçici qeydiyyatı qaydaları və bələdiyyə yarışları üçün ayrıca seçki bülletenləri yaradan müddəaları, vətəndaş olmayanların federal və ştat yarışlarında səs verməsinin qarşısını almağa istiqamətləndirəcək. Vətəndaş olmayanların 2023-cü ildə keçiriləcək seçkilərə qədər səs vermələrinə icazə verilməyəcək.

De Blasio qanun layihəsinə veto qoymağa qərar versə belə, onu ləğv etmək üçün kifayət qədər dəstək var idi. Mer buna əməl etməmək qərarına gəsə, tədbir qanuni qüvvəyə minəcək.

Gələcək mer Erik Adams qanun layihəsini dəstəklədiyini deyir. Şura üzvü, Respublikaçı lider Cozef Borelli hüquqi problemin ola biləcəyi barədə xəbərdalır edib.

Tənqidçilər isə deyir ki, şura vətəndaş olmayanlara özbaşınasəsvermə hüququ vermək səlahiyyətinə malik deyil və ilk növbədə ştat qanunvericiləri tərəfindən tədbir görülməlidir.

Dünyaya Baxış

Dünyaya Baxış. Ukraynanın hökumət vebsaytları kiberhücuma məruz qalıb
please wait

No media source currently available

0:00 0:11:00 0:00
XS
SM
MD
LG