Bu gün Amerika Birləşmiş Ştatlarında Şükran bayramı qeyd edilir. Abe adlanan hind toyuğu ABŞ prezidenti Barak Obama tərəfindən əfv edilib.
Ənənə halını almış hind toyuqlarının əfv mərasimi Ağ Evdə təşkil edilib.
Obama tədbirə qızları Saşa və Malia ilə birlikdə qatılıb. Onlar atalarının bu addımını alqışlayıblar.
Abe hind toyuğu həyatının geri qalan hissəsini “Ağ Ev Hind Toyuğu” fermasında keçirəcək.
Obama ikinci hind toyuğu barədə zarafat edərək, onun nahar yeməyi üçün kəsilməkdən qaçaraq gizləndiyini deyib.
