Bazar ertəsi Oklahoma şəhərindən 130 km aralıda yerləşən Walmart mağazasının ərazisində silahlı hücum olub.
Polis hücumda 3 nəfərin öldürüldüyünü təsdiqləyib. Onlardan ikisi avtomobilin içində, üçüncüsü isə avtomobilinin yanında vurulub.
Polis hadisənin şahidlərini axtarır. Walmart təmsilcisinin məlumatına görə, silahlı hücumun mağazanın işçiləri ilə heç bir əlaqəsi yoxdur.
Avqust ayında Texasın El Paso şəhərində yerləşən Walmart mağazasında 22 nəfərin ölümü ilə nəticələnən kütləvi atışma olub. Hücumu törədən şəxs “meksikanları” hədəf aldığını etiraf edib.
Sentyabrın əvvəlində Walmart döyüş sursatı və silah satışını dayandıracağını açıqlayıb. Müştərilərdən ştat qanunlarına uyğun olsa belə, mağazaya silahla daxil olmamağı tələb edib.
