Pakistan ordusu Əfqanıstanla sərhəd bölgələrdə Talibanın istehkamlarına qarşı quru hücumları həyata keçirib. Hərbi əməliyyat təxminən 1.5 milyon yerli sakinin ərazidən evakuasiya edilməsindən sonra başlayıb.
Ordu bildirib ki, Pakistan və Əfqanıstanda fəaliyyət göstərən yaraqlı qrupların Şimali Vəziristandakı başlıca istehkamı hesab edilən Miranşahda qapı-qapı axtarışlar həyata keçirilir. İlkin quru hücumunda 15 yaraqlının öldürüldüyü bildirilir.
İyunun 15-dən başlayan hava hücumları nəticəsində 330-dan çox yaraqlının öldürüldüyü bildirilir. Bundan başqa hərbi əməliyyatlar çoxu qadın və uşaq olmaqla 1.5 milyon insanın ərazindən qaçmasına səbəb olub.
