Accessibility links

Polşa şərq sərhədinin gücləndirilməsi planının təfərrüatlarını açıqlayır


Polşa bazar ertəsi Belarus və Rusiya ilə şərq sərhədi boyunca müdafiəni gücləndirmək məqsədilə 10 milyard zlot (2,55 milyard dollar) dəyərində "Şərq Qalxanı" proqramının təfərrüatlarını açıqlayaraq, planlarını 2028-ci ilə qədər başa çatdırmağa ümid etdiyini bildirib.

Rusiyanın yaxın müttəfiqi olan Belarus Yaxın Şərqdə Avropaya yeni qeyri-rəsmi marşrut təklif edən turizm agentlikləri açdıqdan sonra 2021-ci ildə miqrantların ölkəyə axını başlayandan bəri sərhəd qızğın nöqtəyə çevrilib. Avropa İttifaqı bunun böhran yaratmaq üçün hazırlanmış bir addım olduğunu bildirib.

Polşa Müdafiə Nazirliyi şərq cəbhə xəttində NATO-nun digər müttəfiqləri - Finlandiya, Estoniya, Latviya və Litva ilə koordinasiyada istehkamların, qovşaqların və telekommunikasiya sistemlərinin tikintisi planları da daxil olmaqla, proqramın təfərrüatlarını təqdim edib.

"Bu, kompleks müdafiə və çəkindirici addımlar sistemini təşkil edir. O, giriş sistemlərini birləşdirir. Lakin biz həmçinin müasir anti-dron və kəşfiyyat sistemləri tətbiq edəcəyik" - deyə, müdafiə naziri Vladislav Kosiniak-Kamış bildirib.

"Bu, 1945-ci ildən bəri Polşanın şərq sərhədinin, NATO-nun şərq cinahının möhkəmləndirilməsi üzrə ən böyük əməliyyatdır", o, mətbuat konfransında deyib.

Müdafiə nazirinin müavini Cezari Tomzuk sərmayələrin 2025-ci ilin birinci rübündə başlayacağının və 2028-ci ilə qədər tamamlanacağının gözlənildiyini deyib. Polşa bəzi layihələr üçün Avropa İttifaqının vəsaitlərindən istifadə etməyə ümid edir.

Polşanın əvvəlki hökuməti qeyri-qanuni miqrasiyanın qarşısını almaq üçün Polşa-Belarus sərhədində uzunluğu 180 km, hündürlüyü 5,5 metrdən çox olan hasar çəkib. Hasar sərhədi izləyən kameralar və sensorlar sistemi ilə tamamlanır.

Polşa ilə Rusiya arasında münasibətlər də Moskvanın 2022-ci il fevralın 24-də qonşu Ukraynaya on minlərlə hərbçi göndərdikdən sonra kəskin şəkildə pisləşib. Varşava buna cavab olaraq müdafiə xərclərini artırıb.

Forum

Dünyaya Baxış

Dünyaya Baxış. G7 liderləri Ukraynaya 50 milyard dollar kredit vermək planını qəbul edib
please wait

No media source currently available

0:00 0:09:10 0:00

Amerika İcmalı

Amerika İcmalı. Ukrayna sülh sammiti. Azərbaycan və İran münasibətlərinin perspektivi.
please wait

No media source currently available

0:00 0:30:08 0:00
XS
SM
MD
LG